IMANA NI NZIZA

Accueil » Ijambo ry'Imana (La Parole de Dieu) » Idominika ya 11 yo mu mwaka A

Idominika ya 11 yo mu mwaka A

Catégories

NOTES AUX VISITEURS

Vous qui visiterez ce blog, vous y trouverez beaucoup de choses qui vous aident à améliorer vos connaissances en matière de vie spirituelle. Nous ne doutons pas que vous en ayez beaucoup d’autres à partager avec nous . Au cas où vous constateriez une erreur (ce qui n’est ni envisagé ni souhaité) vous êtes priés de nous le signaler. Au cas où vous n’en trouveriez aucune, votre contribution reste toujours la bienvenue.

Appelez au numéro qui vous est donné ou écrivez à l’adresse qui vous est indiquée ci-après pour plus d’informations :

Tél: +39.3774566710 ou +25779878480
e-mail: yohani.karabudiyo@gmail.com


IGISOMWA CA MBERE

Ivyo dusoma mu gitabu c’Ihunguka (19, 2-6a)

Muzombera igihugu c’abaherezankuka n’igihugu c’aberanda

Kuva aho bene Israyeli baviriye mu Misiri, bagashika mu gahinga ka Sinayi, bagacumbika ahatumberanye n’uwo musozi, hari mu kwezi kugira gatatu. Niho Musa yaduga iyo Umukama ari, kuri uwo musozi, Umukama akamubwira ati:
«Ng’ibi ivyo uja kubwira umuryango wa Yakobo, ukabimenyesha bene Israyeli: Mwarabonye ayo nakoreye Abanyamisiri, namwe nkabatwarira mu kirere ngo ndabiyegereze. Kuva ubu rero, nimwanyumvira, mukagumya isezerano ryanje, ni mwebwe muzoba igihugu niharije mu bindi vyose. Isi yose ni rwanje, ariko mweho muzoba igihugu c’abaherezankuka, igihugu ceranda. Ayo ni yo majambo uzoshikiriza bene Israyeli.»

IZABURI 99 (100) 2,3,5

Icit: Turi intara Umukama ayobora
        We nyene ubwiwe.

Yemwe abari kw’isi yose, nimuvugirize Umukama impundu,
nimukorere Umukama n’akanyamuneza,
muze mu nyonga ziwe muririmbe.

Mumenye yuko Umukama ari We Mana,
ni We yaturemye, turi abiwe,
turi ingabo ziwe, turi intama zo mu busho bwiwe.

Erega, Umukama ni mwiza,
urukundo rwiwe rwamaho,
arakwiye kwemerwa mu myaka n’imyaka.

IGISOMWA CA KABIRI

Ivyo dusoma mw’Ikete Umutumwa Pawulo yandikiye Abanyaroma (5, 6-11)

Ko urupfu rw’Umukama rwatwuzurije n’Imana,
ubuzima bwiwe buzorushirizaho kudukiza

Ncuti zanje,
Igihe twari ba ntamagara, ubutigu bugeze, niho Kristu yapfiriye abanyakabi. Burya, umuntu w’intungane, biragora kumupfira, umuntu w’inda nziza na we, kumbure hari uwokwubahuka kumupfira. Ariko, icerekana urukundo Imana idukunda, ni uko Kristu yadupfiriye tukiri abanyabicumuro. Noneho ko twabaye intungane mu maso yiwe, n’ubu azorushiriza kudukiza ishavu ry’Imana.
Mu gihe twari abansi, ko urupfu rw’Umwana w’Imana rwatwuzurije na Yo, ubu noneho tumaze kwuzura na Yo, ubuzima bwiwe buzorushirizaho kudukiza. Si ivyo bisa, ariko kandi turishimagiza mu Mana ku bw’Umukama wacu Yezu Kristu, We yatwuzurije n’Imana.

INKURU NZIZA

Aleluya, aleluya.

Ubwami bw’Imana buri hafi;
igarure kandi mwemere Inkuru nziza.

Aleluya.

Ivyo dusoma mu Nkuru nziza ya Yezu Kristu nk’uko yashikirijwe na Matayo (9,36-10,9)

Ahamagaye abigishwa biwe cumi na babiri, Yezu araheza arabatuma

Umushaha wa Yezu

Umushaha wa Yezu

Muri irya misi, Yezu abonye ishengero rimukurikira, yumva rimuteye ikigongwe, kuko abantu bari barushe cane bajonjogoye, basa n’intama zitagira umwungere. Araheza abarira abigishwa biwe ati: «Ivyimburwa ni vyinshi, yamara abakozi ni bake. Sabe rero Nyene ivyimburwa, arungike abakozi benshi mu vyimburwa vyiwe.»
Yezu ahamagaye abigishwa biwe cumi na babiri, abaha ubukuru bwo kwirukana amashetani n’ugukiza indwara zose n’ubumuga bwose. Amazina y’abatumwa cumi na babiri ng’aya:
Uwa mbere ni Simoni batazira Petero na Andreya mwenewabo, Yakobo mwene Zebede na Yohani mwenewabo, Filipo na Barutolomeyo, Toma na Matayo umutozakori, Yakobo mwene Alufayo na Tadeyo, Simoni w’i Kana na Yuda Isikariyoti yahavuye amugurisha.
Abo cumi na babiri abatuma abanje kubihanikiriza ati: «Ntimufate inzira irora ku bapagani kandi ntimukoze ikirenge mu bisagara vy’Abanyasamariya. Muratumbere riho intama zatakaye zo mu muryango w’Israyeli. Mu nzira, muragende murigisha ko Ubwami bw’ijuru buri hafi. Murakize abarwaye, musubize ubuzima abapfuye, mutyorore abarwaye imibembe, mwirukane amashetani. Mwaronse ata co mutanze, namwe nimutange ata kiguzi musavye.»


Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.

Le Symbole de Nicée-Constantinople

Πιστεύμεν εἰς ἕνα θεὸν πατέρα παντοκράτορα, ποιητὴν οὐρανοῦ καὶ γῆς, ὁρατῶν τε πάντων καὶ ἀοράτων. καὶ εἰς ἕνα κύριον Ἰησοῦν Χριστόν, τον υἱὸν τοῦ θεοῦ τὸν μονογενῆ, τὸν ἐκ τοῦ πατρὸς γεννηθέντα πρὸ πάντων τῶν αἰώνων, φῶς ἐκ φωτός, θεὸν ἀληθινὸν ἐκ θεοῦ ἀληθινοῦ, γεννηθέντα, οὐ ποιηθέντα, ὁμοούσιον τῷ πατρί, δι’ οὗ τὰ πάντα ἐγένετο· τὸν δι’ ἡμᾶς τοὺς ἀνθρώπους καὶ διὰ τὴν ἡμετέραν σωτηρίαν κατελθόντα ἐκ τῶν οὐρανῶν καὶ σαρκωθέντα ἐκ πνεύματος ἁγίου καὶ Μαρίας τῆς παρθένου καὶ ἐνανθρωπήσαντα, σταυρωθέντα τε ὑπὲρ ἡμῶν ἐπὶ Ποντίου Πιλάτου καὶ παθόντα καὶ ταφέντα καὶ ἀναστάντα τῇ τρίτῃ ἡμέρᾳ κατὰ τὰς γραφάς, καὶ ἀνελθόντα εἰς τοὺς οὐρανούς, καὶ καθεζόμενον ἐκ δεξιῶν τοῦ πατρός, καὶ πάλιν ἐρχόμενον μετὰ δόξης κρῖναι ζῶντας καὶ νεκρούς· οὗ τῆς βασιλείας οὐκ ἔσται τέλος. Καὶ εἰς τὸ πνεῦμα τὸ ἁγιον, τὸ κύριον, τὸ ζωοποιόν, τὸ ἐκ τοῦ πατρὸς ἐκπορευόμενον, τὸ σὺν πατρὶ καὶ υἱῷ συμπροσκυνούμενον καὶ συνδοξαζόμενον, τὸ λαλῆσαν διὰ τῶν προφητῶν. Εἰς μίαν, ἁγίαν, καθολικὴν καὶ ἀποστολικὴν ἐκκλησίαν. ὁμολογοῦμεν ἕν βάπτισμα εἰς ἄφεσιν ἁμαρτιῶν, προσδοκῶμεν ἀνάστασιν νεκρῶν καὶ ζωὴν τοῦ μέλλοντος αἰῶνος. ἀμήν.

%d blogueurs aiment cette page :