IMANA NI NZIZA

Accueil » Ijambo ry'Imana (La Parole de Dieu) » Indwi ya 3 yo mw’Ikarema : ku wa kabiri

Indwi ya 3 yo mw’Ikarema : ku wa kabiri

Catégories

NOTES AUX VISITEURS

Vous qui visiterez ce blog, vous y trouverez beaucoup de choses qui vous aident à améliorer vos connaissances en matière de vie spirituelle. Nous ne doutons pas que vous en ayez beaucoup d’autres à partager avec nous . Au cas où vous constateriez une erreur (ce qui n’est ni envisagé ni souhaité) vous êtes priés de nous le signaler. Au cas où vous n’en trouveriez aucune, votre contribution reste toujours la bienvenue.

Appelez au numéro qui vous est donné ou écrivez à l’adresse qui vous est indiquée ci-après pour plus d’informations :

Tél: +39.3774566710 ou +25779878480
e-mail: yohani.karabudiyo@gmail.com


IGISOMWA CA MBERE

Ivyo dusoma mu gitabu c’Umuhanuzi Daniyeli (3, 25.34-43)

Muri irya misi, Hazariya yasavye Umukama ati: «Mukama Mana yacu, turagusavye kubera izina ryawe, ntuduhebe akagirire, kandi ntusambure isezerano ryawe. Ntureke kutugirira imbabazi, kubera Aburahamu wa munywanyi wawe na Izahaki wa musavyi wawe na Israyeli wa mweranda wawe; wari wabemereye noneho ko abuzukuruza babo bazongana inyenyeri zo kw’ijuru n’umusenyi wo ku nkombe y’ikiyaga.
Kuko, Mukama, mu ntara zose ni twebwe twabaye bato, mbere n’ubu bwa none, kw’isi yose twamaramajwe n’ibicumuro vyacu.
Ubu nta mukuru, nta muganwa, nta muhanuzi, nta shikanwa, nta mperezwa, nta mibavu, eka nta n’ikibanza c’ukuguhererezamwo ivyimburwa vyacu kikiriho ngo dushobore kuronka ikigongwe cawe. Mugabo, twakire kubera yuko umutima wacu wigaye, ubwenge bwacu nabwo bukicwa n’ibimaramare. Kumwe kw’ishikanwa ry’intama n’impfizi, kurya kw’ibihumbi vy’imyagazi inuze, n’abe ari ko imperezwa yacu imera imbere yawe uyu musi, ikunezereze, kuko abakwizeye ataho bigera bateterwa. Ubu naho turagukwirikiye n’umutima wacu wose, turaguhaye icubahiro, mbere turondera inyonga zawe. Ntutureke ngo tumaramare, dufatane ubuntu n’ikigongwe cawe cinshi. Uturokoze ibitangaza vyawe, wongere uhe ubuninahazwa izina ryawe, Mukama.»

IZABURI 24 (25) 4-5, 6-7, 8-9

Icit.: Ibuka, Mukama, urukundo rwawe.

Ntabara, Mukama, undangire inzira y’iwawe,
uranyigisha inzira zawe.
Urantumbereza ukuri, uranyigisha,
ni Wewe Mana izonkiza.

Gira wibuke imbabazi zawe, Mukama,
wibuke n’urukundo rwawe, kuko ari ivya misi yose.
Nk’uko urukundo rwawe rwamaho,
abe ari ko unyibuka, Mukama.

Ese ubutungane n’urukundo vy’Umukama!
Umukama yama agarura abazimiye.
Abatobato abatumbereza ubutungane,
abicisha bugufi abigisha inzira yiwe.

INKURU NZIZA

Urakaninahazwa, Kristu,
wewe Jambo ryamaho ry’Imana nzima.

Umukama yavuze ati: «Sinshaka urupfu rw’umunyakabi;
ico nshaka n’uko yokwisubirako, akabona kuramba.»

Urakaninahazwa, Kristu,
wewe Jambo ryamaho ry’Imana nzima.

Ivyo dusoma mu Nkuru Nziza ya Yezu Kristu nk’uko yashikirijwe na Matayo (18, 21-35)

Muri irya misi,
Petero yegereye Yezu amubaza ati: «Mukama, mugenzanje ancumuyeko, nzomurekurira kangahe? Gushika ku ndwi?»  Yezu na we ati: «Sinkubwiye gushika ku ndwi, ariko kugeza kuri mirongo indwi ku ndwi.
Ni co gituma Ubwami bw’ijuru busa n’umwami yagomba kwishuza abasuku biwe. Ngo abe agitangura, bamuzanira uwari amuheraniye amatarenta ibihumbi cumi. Nya musuku ngo abure ico yishura, shebuja ategeka ko bamugurisha we n’umugore n’abana, be n’utwo atunze twose, abe yishuye rero ivyo aheranye. Nya musuku yikubita imbere yiwe, amutakambira ati: “Mukama, ntenyenyera, nzokwishura ivyawe vyose.” Shebuja rero bimutera ikigongwe, aramurekura amuhebeye n’umwenda yari amufitiye.
Uwo musuku ngo ave hano, ahura n’umwe muri bagenzibe amufitiye amadenariyo ijana. Aca amugwa mu kanigo, aramukamvya ati: “Ishura ivyo uheranye vyose.” Uno na we aca aramupfukamira, aramutakambira ati : “Ntenyenyera nzokwishura.” Uwundi na we aranka, mbere aca aja kumushirisha mu ngoyi, umwanya atarishura umwenda yariye.
Bagenziwe ngo babibone, birabababaza cane, baca baja kwiganira shebuja ivyabaye. Na we aca aramuhamagaza, amubwira ati: “Wa musuku w’inkozi y’ikibi, umwenda wose wari umfitiye nawukurekuriye kuko wantakambiye; none weho, ntube wagirira imbabazi mugenzawe nk’uko nanje nazikugiriye?” N’ishavu n’akantu, shebuja amurekurirako abantu biwe, baramuhuragura umwanya atarishura umwenda wiwe wose.
Uko ni ko na Data ahanganye mw’ijuru azobagira nimutarekurira abandi bimwe bishemeye.»


Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.

Le Symbole de Nicée-Constantinople

Πιστεύμεν εἰς ἕνα θεὸν πατέρα παντοκράτορα, ποιητὴν οὐρανοῦ καὶ γῆς, ὁρατῶν τε πάντων καὶ ἀοράτων. καὶ εἰς ἕνα κύριον Ἰησοῦν Χριστόν, τον υἱὸν τοῦ θεοῦ τὸν μονογενῆ, τὸν ἐκ τοῦ πατρὸς γεννηθέντα πρὸ πάντων τῶν αἰώνων, φῶς ἐκ φωτός, θεὸν ἀληθινὸν ἐκ θεοῦ ἀληθινοῦ, γεννηθέντα, οὐ ποιηθέντα, ὁμοούσιον τῷ πατρί, δι’ οὗ τὰ πάντα ἐγένετο· τὸν δι’ ἡμᾶς τοὺς ἀνθρώπους καὶ διὰ τὴν ἡμετέραν σωτηρίαν κατελθόντα ἐκ τῶν οὐρανῶν καὶ σαρκωθέντα ἐκ πνεύματος ἁγίου καὶ Μαρίας τῆς παρθένου καὶ ἐνανθρωπήσαντα, σταυρωθέντα τε ὑπὲρ ἡμῶν ἐπὶ Ποντίου Πιλάτου καὶ παθόντα καὶ ταφέντα καὶ ἀναστάντα τῇ τρίτῃ ἡμέρᾳ κατὰ τὰς γραφάς, καὶ ἀνελθόντα εἰς τοὺς οὐρανούς, καὶ καθεζόμενον ἐκ δεξιῶν τοῦ πατρός, καὶ πάλιν ἐρχόμενον μετὰ δόξης κρῖναι ζῶντας καὶ νεκρούς· οὗ τῆς βασιλείας οὐκ ἔσται τέλος. Καὶ εἰς τὸ πνεῦμα τὸ ἁγιον, τὸ κύριον, τὸ ζωοποιόν, τὸ ἐκ τοῦ πατρὸς ἐκπορευόμενον, τὸ σὺν πατρὶ καὶ υἱῷ συμπροσκυνούμενον καὶ συνδοξαζόμενον, τὸ λαλῆσαν διὰ τῶν προφητῶν. Εἰς μίαν, ἁγίαν, καθολικὴν καὶ ἀποστολικὴν ἐκκλησίαν. ὁμολογοῦμεν ἕν βάπτισμα εἰς ἄφεσιν ἁμαρτιῶν, προσδοκῶμεν ἀνάστασιν νεκρῶν καὶ ζωὴν τοῦ μέλλοντος αἰῶνος. ἀμήν.

%d blogueurs aiment cette page :