IMANA NI NZIZA

Accueil » Ijambo ry'Imana (La Parole de Dieu) » Indwi ya 26 yo mu mwaka : ku wa gatatu (Années impaires)

Indwi ya 26 yo mu mwaka : ku wa gatatu (Années impaires)

Catégories

NOTES AUX VISITEURS

Vous qui visiterez ce blog, vous y trouverez beaucoup de choses qui vous aident à améliorer vos connaissances en matière de vie spirituelle. Nous ne doutons pas que vous en ayez beaucoup d’autres à partager avec nous . Au cas où vous constateriez une erreur (ce qui n’est ni envisagé ni souhaité) vous êtes priés de nous le signaler. Au cas où vous n’en trouveriez aucune, votre contribution reste toujours la bienvenue.

Appelez au numéro qui vous est donné ou écrivez à l’adresse qui vous est indiquée ci-après pour plus d’informations :

Tél: +39.3774566710 ou +25779878480
e-mail: yohani.karabudiyo@gmail.com


IGISOMWA CA MBERE 

Ivyo dusoma mu gitabu ca Nehemiya (2, 1-8)

Mu mwaka ugira mirongo ibiri kuva aho umwami Arutaheshasete yimikiwe, mu kwezi kwa Nisani, umusi uri izina, jewe Nehemiya, kuko nari umuteretsi w’umwami, nakira umuvinyu nkawuhereza umwami, kandi nta ho nari bwigere nijirwa nabi nko kuri uyo musi nyene. Ni co gituma umwami yambaza ati: «Igituma wijiriwe nabi, kandi utarwaye, ni iki? Nta n’ugukeka, ni ukwiraburanirwa ku mutima.»
Naciye ngira ubwoba bwinshi, nishura umwami nti: «Umwami aragahora ku ngoma! Sinobura kwiraburanirwa iyo igisagara ba sokuru bahambwemwo cabaye umusaka kandi iyo amarembo yaco yaturiwe!»
Umwami araheza ambaza ati: «None ugomba iki?» Nca nsaba Imana Nyenijuru, ndaheza nishura umwami nti: «Niyaba umwami abishima kandi nimba ngira ubutoni mu nyonga zawe, ndagusavye uruhusha rw’ukugenda mu ntara y’Ubuyuda, mu gisagara kirimwo imva ya ba sokuru, ngo nsubire kucubaka.»
Muri ico gihe, umwami yari kumwe n’umwamikazi; umwami rero arambaza ati: «Uzoguma mu rugendo imisi ingahe kandi uzogaruka ryari?» Ndamubwira aho niyumvira ko nzogarukira, na we arashima, arandekura.
Nsubira kubwira umwami nti: «Umwami niyaba abishima, ndasavye amakete noshikiriza ivyariho vy’umwami mu ntara zo hakurya ya Ewufrati, kugira ngo nshobore kuhaca ngo nshike mu ntara y’Ubuyuda. Ndasavye ikete rindi noshira Asafu, umurinzi w’icibare c’umwami, kugira ngo ampe ibiti nzoba nkeneye mu kwubaka amarembo y’isengero, amarembo y’igisagara n’inzu nzobamwo.» Umwami arabinyemerera, kuko nari mpagarikiwe n’ikiganza cuzuye ubuntu c’Imana yanje.

IZABURI 136 (137) 1-2, 3, 4-5, 6

Icit.: Ninaramuka ntakwibutse,
         ururimi rwanje ruragaca ruhoma ku magage.

Iruhande y’inzuzi za Babiloni twari twicaye,
turira mu kwibuka Yeruzalemu;
inanga zacu twari twazimanitse
ku biti bitonze kuri izo nzuzi.

Abansi bari baducungiye hano batwinginga
ngo tubaririmbire uturirimbo turora ku Mana;
abatugenza nabi badusaba kunezerwa,
bati: «Duterere utuvyino turora kuri Siyoni.»

Mwumva twari gutera utuvyino tw’Umukama,
turi kw’isi itari rwacu?
Ninaramuka ndakwibagiye, Yeruzalemu,
ukuboko kwanje kw’iburyo kuragaca kwuma buhebe!

Ninaramuka ntakwibutse,
kandi ineza ngufitiye ntisumbe izindi,
ururimi rwanje ruragaca ruhoma ku magage!

INKURU NZIZA

Aleluya, aleluya.

Nyigisha, Mukama, inzira zawe;
undǒngōre mu kuri kwawe.

Aleluya.

Ivyo dusoma mu Nkuru nziza ya Yezu Kristu nk’uko yashikirijwe na Luka (9, 57-62)

Muri irya misi, Yezu n’abigishwa biwe bakiri mu nzira irora i Yeruzalemu, sinzi umuntu agize ati: «Nzogukurikira aho uzoja hose.» Yezu amubwira ati: «Imbwebwe ziri n’aho ziba, inyoni zo mu kirere zikagira ivyari, ariko Umwana w’umuntu ntafise aho akika umusaya.»
Hanyuma abarira uwundi ati: «Nkurikira.» Ur’uwundi ati: «Mukama, ndagusavye mbanze kuja guhamba dawe.» Yezu na we aramwishura ati: «Reka abapfu bahambe abapfu babo; nawe fashako wigishe Ubwami bw’Imana.»
Haza uwundi amubwira ati: «Nzogukurikira, Mukama, ndagusavye gusa gusiga nsezeye ab’imuhira.» Ariko Yezu aramwishura ati: «Uwufashe isuka yari agiye gukora agasubira inyuma gufufura, uwo ntakwiranye n’Ubwami bw’Imana.»


Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.

Le Symbole de Nicée-Constantinople

Πιστεύμεν εἰς ἕνα θεὸν πατέρα παντοκράτορα, ποιητὴν οὐρανοῦ καὶ γῆς, ὁρατῶν τε πάντων καὶ ἀοράτων. καὶ εἰς ἕνα κύριον Ἰησοῦν Χριστόν, τον υἱὸν τοῦ θεοῦ τὸν μονογενῆ, τὸν ἐκ τοῦ πατρὸς γεννηθέντα πρὸ πάντων τῶν αἰώνων, φῶς ἐκ φωτός, θεὸν ἀληθινὸν ἐκ θεοῦ ἀληθινοῦ, γεννηθέντα, οὐ ποιηθέντα, ὁμοούσιον τῷ πατρί, δι’ οὗ τὰ πάντα ἐγένετο· τὸν δι’ ἡμᾶς τοὺς ἀνθρώπους καὶ διὰ τὴν ἡμετέραν σωτηρίαν κατελθόντα ἐκ τῶν οὐρανῶν καὶ σαρκωθέντα ἐκ πνεύματος ἁγίου καὶ Μαρίας τῆς παρθένου καὶ ἐνανθρωπήσαντα, σταυρωθέντα τε ὑπὲρ ἡμῶν ἐπὶ Ποντίου Πιλάτου καὶ παθόντα καὶ ταφέντα καὶ ἀναστάντα τῇ τρίτῃ ἡμέρᾳ κατὰ τὰς γραφάς, καὶ ἀνελθόντα εἰς τοὺς οὐρανούς, καὶ καθεζόμενον ἐκ δεξιῶν τοῦ πατρός, καὶ πάλιν ἐρχόμενον μετὰ δόξης κρῖναι ζῶντας καὶ νεκρούς· οὗ τῆς βασιλείας οὐκ ἔσται τέλος. Καὶ εἰς τὸ πνεῦμα τὸ ἁγιον, τὸ κύριον, τὸ ζωοποιόν, τὸ ἐκ τοῦ πατρὸς ἐκπορευόμενον, τὸ σὺν πατρὶ καὶ υἱῷ συμπροσκυνούμενον καὶ συνδοξαζόμενον, τὸ λαλῆσαν διὰ τῶν προφητῶν. Εἰς μίαν, ἁγίαν, καθολικὴν καὶ ἀποστολικὴν ἐκκλησίαν. ὁμολογοῦμεν ἕν βάπτισμα εἰς ἄφεσιν ἁμαρτιῶν, προσδοκῶμεν ἀνάστασιν νεκρῶν καὶ ζωὴν τοῦ μέλλοντος αἰῶνος. ἀμήν.

%d blogueurs aiment cette page :