IMANA NI NZIZA

Accueil » Ijambo ry'Imana (La Parole de Dieu) » Indwi ya 12 yo mu mwaka : ku wa mbere (Années paires)

Indwi ya 12 yo mu mwaka : ku wa mbere (Années paires)

Catégories

NOTES AUX VISITEURS

Vous qui visiterez ce blog, vous y trouverez beaucoup de choses qui vous aident à améliorer vos connaissances en matière de vie spirituelle. Nous ne doutons pas que vous en ayez beaucoup d’autres à partager avec nous . Au cas où vous constateriez une erreur (ce qui n’est ni envisagé ni souhaité) vous êtes priés de nous le signaler. Au cas où vous n’en trouveriez aucune, votre contribution reste toujours la bienvenue.

Appelez au numéro qui vous est donné ou écrivez à l’adresse qui vous est indiquée ci-après pour plus d’informations :

Tél: +39.3774566710 ou +25779878480
e-mail: yohani.karabudiyo@gmail.com


IGISOMWA CA MBERE 

Ivyo dusoma mu gitabu ca kabiri c’Abami (17, 5-8.13-15a. 18)

Muri irya misi, Umwami wa Ashuri atera igihugu cose, aza n’ugukikiza igisagara ca Samariya imyaka itatu yose. Mu mwaka ugira icenda kuva aho umwami w’Israyeli yitwa Ozeya yimikiwe, ni ho umwami wa Ashuri yafata igisagara ca Samariya, akajana Abanyisrayeli  muri Ashuri kubagira imbohe. Ivyo vyose vyabaye, kuko Abanyisrayeli bari bacumuye ku Mana yabo yari yabakuye mu gihugu ca Misiri, ikabakiza ukuboko kwa Farawoni, umwami wa Misiri. Barahejeje barasenga izindi mana, bakurikiza imigenzo y’ibindi bihugu Imana yari yabakijije.
Nka ko na none, Umukama yama ahanura Israyeli n’intara ya Yuda mu kanwa k’abahanuzi bose no mu kanwa ka ba Rumenyi bose ati: «Nimwigarure, muhebe imigenzo yanyu mibi; muzigame amabwirizwa yanje n’amateka yanje nk’uko nabitegereje ba sokuru banyu kandi nk’uko nabibashikirije mbicishije ku basavyi banje bahora babahanura kw’izina ryanje.»  Ariko, bari banse kuganduka kandi bari barigize intagondwa, babirusha ba sokuru babo batemeye Umukama Imana yabo. Barakengereye amateka yiwe na rya sezerano yari yasezeraniye ba sekuru babo, be na ya mategeko yose yari yabahaye. Ni ho rero Umukama yahava akagira ishavu kubera Israyeli, akayirukana ngo ive imbere yiwe, hasigare umuryango wa Yuda gusa.

IZABURI 59 (60) 3-4, 5-6, 13-14

Icit.: Kugira ngo ububasha bwawe butsinde,
         n’utwishure, Mukama!

Ewe Mukama, wadutaye twasanzaye,
wari wadushavuriye, tugarukire.
Warahindishije isi umushitsi, urayasamika;
yikize imigaga, kuko iri hafi y’ugusanzara.

Intara yawe warayirungikiye amakuba,
waduhaye inyobwa ituborera.
Abakwubaha na bo warabahaye ikimenyetso,
kugira ngo bahunge umuheto.

N’udutabare, dutsinde umwansi,
ukuzera gutabaruka ku bantu ni ubusa!
Duhagarikiwe n’Imana, tuzokora ibitanganza,
ni yo izohonyora abaduhonyoye.

INKURU NZIZA

Aleluya, Aleluya.

Nyigisha, Mukama, inzira yawe;
undongōre mu kuri kwawe.

Aleluya.

Ivyo dusoma mu Nkuru nziza ya Yezu Kristu nk’uko yashikirijwe na Matayo (7, 1-5)

Muri irya misi, Yezu yabariye abigishwa biwe ati: «Ntimucire abandi rubi, kugira ngo namwe ntimuze murucirwe. Kuko urubanza muca ari rwo ruzobatsinda, ingero mugeresha ni yo namwe muzogererwako.» Ni kuki ubona akatsi kari mu jisho rya mwenewanyu, ntubone urugiga ruri mu ryawe? Kibure, bishoboka bite ko ubwira mwenewanyu uti: Hinge ngukure icatsi mu jisho, naho mu ryawe harimwo urugiga? Wa ndyadya we, banza ukure urugiga ruri mu jisho ryawe, ni ho uzobona neza, ugashobora gukura icatsi kiri mu rya mwenewanyu.»


Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.

Le Symbole de Nicée-Constantinople

Πιστεύμεν εἰς ἕνα θεὸν πατέρα παντοκράτορα, ποιητὴν οὐρανοῦ καὶ γῆς, ὁρατῶν τε πάντων καὶ ἀοράτων. καὶ εἰς ἕνα κύριον Ἰησοῦν Χριστόν, τον υἱὸν τοῦ θεοῦ τὸν μονογενῆ, τὸν ἐκ τοῦ πατρὸς γεννηθέντα πρὸ πάντων τῶν αἰώνων, φῶς ἐκ φωτός, θεὸν ἀληθινὸν ἐκ θεοῦ ἀληθινοῦ, γεννηθέντα, οὐ ποιηθέντα, ὁμοούσιον τῷ πατρί, δι’ οὗ τὰ πάντα ἐγένετο· τὸν δι’ ἡμᾶς τοὺς ἀνθρώπους καὶ διὰ τὴν ἡμετέραν σωτηρίαν κατελθόντα ἐκ τῶν οὐρανῶν καὶ σαρκωθέντα ἐκ πνεύματος ἁγίου καὶ Μαρίας τῆς παρθένου καὶ ἐνανθρωπήσαντα, σταυρωθέντα τε ὑπὲρ ἡμῶν ἐπὶ Ποντίου Πιλάτου καὶ παθόντα καὶ ταφέντα καὶ ἀναστάντα τῇ τρίτῃ ἡμέρᾳ κατὰ τὰς γραφάς, καὶ ἀνελθόντα εἰς τοὺς οὐρανούς, καὶ καθεζόμενον ἐκ δεξιῶν τοῦ πατρός, καὶ πάλιν ἐρχόμενον μετὰ δόξης κρῖναι ζῶντας καὶ νεκρούς· οὗ τῆς βασιλείας οὐκ ἔσται τέλος. Καὶ εἰς τὸ πνεῦμα τὸ ἁγιον, τὸ κύριον, τὸ ζωοποιόν, τὸ ἐκ τοῦ πατρὸς ἐκπορευόμενον, τὸ σὺν πατρὶ καὶ υἱῷ συμπροσκυνούμενον καὶ συνδοξαζόμενον, τὸ λαλῆσαν διὰ τῶν προφητῶν. Εἰς μίαν, ἁγίαν, καθολικὴν καὶ ἀποστολικὴν ἐκκλησίαν. ὁμολογοῦμεν ἕν βάπτισμα εἰς ἄφεσιν ἁμαρτιῶν, προσδοκῶμεν ἀνάστασιν νεκρῶν καὶ ζωὴν τοῦ μέλλοντος αἰῶνος. ἀμήν.

%d blogueurs aiment cette page :