IMANA NI NZIZA

Accueil » Ijambo ry'Imana (La Parole de Dieu) » Idominika ya 20 yo mu mwaka B

Idominika ya 20 yo mu mwaka B

Catégories

NOTES AUX VISITEURS

Vous qui visiterez ce blog, vous y trouverez beaucoup de choses qui vous aident à améliorer vos connaissances en matière de vie spirituelle. Nous ne doutons pas que vous en ayez beaucoup d’autres à partager avec nous . Au cas où vous constateriez une erreur (ce qui n’est ni envisagé ni souhaité) vous êtes priés de nous le signaler. Au cas où vous n’en trouveriez aucune, votre contribution reste toujours la bienvenue.

Appelez au numéro qui vous est donné ou écrivez à l’adresse qui vous est indiquée ci-après pour plus d’informations :

Tél: +39.3774566710 ou +25779878480
e-mail: yohani.karabudiyo@gmail.com


IGISOMWA CA MBERE

Ivyo dusoma mu gitabu c’Imigani (9, 1-6)

Muntu utagira ubwitonzi uraza iwanje

Bwitonzi yarubatse ingoro,
ayitera inkingi indwi.
Araheza abaga ibimasa, agana umuvinyu,
ategura ameza.
Hanyuma atuma incoreke ziwe,
asemerera ku mataba y’igisagara ati:
«Muntu utagira ubwitonzi, uraza iwanje!»
Ibiburabwenge na vyo yabibwiye ati:
«Nimuze mwihereze imfungurwa zanje,
munywe inzoga nabaganiye.
Hebe ubuzeze bwanyu, mubone gukira;
tumbera inzira y’ubwenge!»

IZABURI 33 (34) 2-3, 10-11, 12-13, 14-15

Icit.: Umvirize murabe
         ingene Umukama ari mwiza.

Nzoninahaza Umukama na ntaryo,
nzomuhaya ntahengeshanya.
Nanje nyene nzoninahazwa n’Umukama,
abantu batobato nibumve bahimbarwe.

Nimwubahe Umukama, se mwa ntore ziwe;
uwumwubaha nta co akena.
Hari aho abatunzi bakena bagasonza;
uwirukira Umukama nta ciza abura.

Nimuze, se bana muntege ugutwi,
ndabigishe kwubaha Umukama.
Mbe bane, umuntu ashaka kuramba
Akaroranirwa, ari hehe?

Urīmīra akabi ururimi rwawe,
wirinde ikinyoma.
Urareka gukora ikibi, ukore iciza,
urondere amahoro, uyahige buhige.

IGISOMWA CA KABIRI

Ivyo dusoma mw’Ikete Umutumwa Pawulo yandikiye Abanyefezi (5, 15-20)

Nimutegere ico Umukama ashaka

Ncuti zanje,
Nimwitegereze ingene mwigenza: ntimwigenze nk’imburabwenge, kurikiza ariho ingendo y’incabwenge. Ntimugishe uburyo mufise, kuko imisi turimwo yaduhindutse. Ntimumere nk’abatibaza; tegere riho ico Umukama ashaka. Ntimwishinge kuborerwa, kuko inzoga yandurukamwo ubuhumbu; kundire Mutima Mweranda abuzuremwo. Mu kiyago canyu, muravuga amazaburi, indirimbo n’imvyino, mwivuge amazina, mushemeze Umukama n’umushaha wanyu wose. Na ntaryo no muri vyose, murame mukengurukira Imana Data kw’izina ry’Umukama wacu Yezu Kristu.

INKURU NZIZA

Aleluya, aleluya.

Umukama yavuze ati:
«Uwurya umubiri wanje, akanywa n’amaraso yanje,
aba muri jewe, nanje nkaba muri we.»

Aleluya.

Ivyo dusoma mu Nkuru Nziza ya Yezu Kristu nk’uko yashikirijwe na Yohani (6, 51-58)

Umubiri wanje ni imfungurwa y’ukuri, amaraso yanje na yo ni inyobwa y’ukuri

Isakaramentu ryeranda

Muri irya misi,
Yezu yabariye Abayuda ati: «Jewe ndi wa mukate muzima wamanutse uva mw’ijuru; uwuriye uwo mukate azokwamaho imyaka yose. Vyongeye, umukate nzotanga ni umubiri wanje uzanira isi ubuzima.» Abayuda baja mu gaharira, bavuga bati: «Uwo ashobora ate kuduha umubiri wiwe ngo tuwufungure?» Yezu arababwira ati: «Ni ukuri ni ukuri ndabibabwiye: mudafunguye umubiri w’Umwana w’umuntu, ntimunywe n’amaraso yiwe, nta buzima muzogira. Uwufungura umubiri wanje akanywa n’amaraso yanje, arafise ubuzima budahera. Nanje rero nzomuzura ku musi w’imperuka. Na none umubiri wanje ni imfungurwa y’ukuri, amaraso yanje na yo ni inyobwa y’ukuri. Uwufungura umubiri wanje akanywa n’amaraso yanje, aba muri jewe, nanje nkaba muri we. Nk’uko Data Nyenubuzima yantumye ari we ambeshaho, ni ko n’uwumfunguye ndamuha ubuzima. Uyo rero ni wo mukate wamanutse uva mw’ijuru: ntumeze nk’umwe basokuru banyu bafunguye, hanyuma bagapfa; uwuzofungura uyo mukate azoramba mu myaka yose.» Ivyo yabivuze yigishiriza mw’isinagoga i Kafaranawumi.


Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.

Le Symbole de Nicée-Constantinople

Πιστεύμεν εἰς ἕνα θεὸν πατέρα παντοκράτορα, ποιητὴν οὐρανοῦ καὶ γῆς, ὁρατῶν τε πάντων καὶ ἀοράτων. καὶ εἰς ἕνα κύριον Ἰησοῦν Χριστόν, τον υἱὸν τοῦ θεοῦ τὸν μονογενῆ, τὸν ἐκ τοῦ πατρὸς γεννηθέντα πρὸ πάντων τῶν αἰώνων, φῶς ἐκ φωτός, θεὸν ἀληθινὸν ἐκ θεοῦ ἀληθινοῦ, γεννηθέντα, οὐ ποιηθέντα, ὁμοούσιον τῷ πατρί, δι’ οὗ τὰ πάντα ἐγένετο· τὸν δι’ ἡμᾶς τοὺς ἀνθρώπους καὶ διὰ τὴν ἡμετέραν σωτηρίαν κατελθόντα ἐκ τῶν οὐρανῶν καὶ σαρκωθέντα ἐκ πνεύματος ἁγίου καὶ Μαρίας τῆς παρθένου καὶ ἐνανθρωπήσαντα, σταυρωθέντα τε ὑπὲρ ἡμῶν ἐπὶ Ποντίου Πιλάτου καὶ παθόντα καὶ ταφέντα καὶ ἀναστάντα τῇ τρίτῃ ἡμέρᾳ κατὰ τὰς γραφάς, καὶ ἀνελθόντα εἰς τοὺς οὐρανούς, καὶ καθεζόμενον ἐκ δεξιῶν τοῦ πατρός, καὶ πάλιν ἐρχόμενον μετὰ δόξης κρῖναι ζῶντας καὶ νεκρούς· οὗ τῆς βασιλείας οὐκ ἔσται τέλος. Καὶ εἰς τὸ πνεῦμα τὸ ἁγιον, τὸ κύριον, τὸ ζωοποιόν, τὸ ἐκ τοῦ πατρὸς ἐκπορευόμενον, τὸ σὺν πατρὶ καὶ υἱῷ συμπροσκυνούμενον καὶ συνδοξαζόμενον, τὸ λαλῆσαν διὰ τῶν προφητῶν. Εἰς μίαν, ἁγίαν, καθολικὴν καὶ ἀποστολικὴν ἐκκλησίαν. ὁμολογοῦμεν ἕν βάπτισμα εἰς ἄφεσιν ἁμαρτιῶν, προσδοκῶμεν ἀνάστασιν νεκρῶν καὶ ζωὴν τοῦ μέλλοντος αἰῶνος. ἀμήν.

%d blogueurs aiment cette page :